|
ابـديــت بـــك يـالـواحـد الـقـهـار يـالـفـرد الـغـفـور
|
نسال بعفوك بعد ذا الوقت المصر نرجـاء الخيـور
|
تـغـفـر ذنـــوب الـعـبـد يالله عـنــد لـــزات الـقـبـور
|
نــهــار مـايـنـفـع الـبـاطــل ولا بــعـــض الامـــــور
|
والكـذب والبهـتـان والشجـعـه مــع الحيـلـه تـبـور
|
ذا قول من غنَـى وهـو فـي معتلـي خمسـه قصـور
|
لاهــم مــن دنـيــا ولا شـاســن مـلــزم بالـحـضـور
|
والخصـم مابينـي وبينـه مـن زمــن قـدهـا جــرور
|
ادلا يـحـك الصـفـر بايضـهـر فــي الفـضـه بـــرور
|
لا والـنـبـي يالـبـاثـريـاء والـمـشـاخـص لا تــبــور
|
البـارح ان طـرفـي تـزعـل يــوم قــد درت الـنـدور
|
ان يـبـا مــع لـخـوه يـبـا يتـلـي طـرقـهـا والـعـبـور
|
وبعـد قــم يالمعتـنـى وزلــم عـلـى مـهـري ذعــور
|
اطــرح علـيـه الـشــد زمـــه بالمـبـاهـم والـكــرور
|
والـعـربـه الـزيـنـه وذي جـــوده طــنــه بـالـوثــور
|
اسـرح مـن الحـد المعـذر بأهـل سمحـات الـخـدور
|
انـدر حروبـه يشبـه الهـارش مــع ذيــك الحـجـور
|
ديـعـه فــي وادي بـنـي مـــره ويـحـمـون الـعــذور
|
وعـبـر مديـنـة عـمـد لا تلـهـي مــدام انـتـه تــزور
|
وقبلـه فـي وادي علـى ذيـك الغلـل ســود النـحـور
|
حـــد السـراحـيـن الـــذي ضـربـهـم دايــــم يــثــور
|
وعبر على مخيـه قصـد للحصـن منفـوح القصـور
|
ونشد على سالم عساء يصتان من جمـع الشـرور
|
ولا عـزم قلـه معـي رخصـه مــدى القـهـوه تـفـور
|
قـلـه عـلـى مـقـصـود والا شـفــه مايـقـبـل عـــذور
|
ونفذ قداء الشرقي نشد من بن حمد صقر الصقور
|
سلـم عليهـم هـو ويااعمامـه وذي عـنـده حـضـور
|
عمـر وصالـح يالفتـى فـي الملزمـه روعــه بــدور
|
وسعـيـد لا تنـسـاه منـفـوح الـبـرم وعــل الهـشـور
|
سالـم يـرحـب بالـدفـر للحـصـن منـفـوح القـصـور
|
لا قـالـك بــه عـلـم شـاهـر قـلـه اعـــلام الـســرور
|
إلًا معـي لـك خـط مـن نسـخ القلـم زيــن السـطـور
|
مـن عنـد ذي هـو ساعـة المـورد يقايـس لصـدور
|
يــازاهــد اقــبــال المـخـيـلـه قــبــل منشيـهـايـثـور
|
اتخـيـل الـشـاره وعــاد الـعــرك يـذلــح والـنـشـور
|
اسمـيـت فـــي تـركــه تـبــا ذي يـديــرون الـفـكـور
|
كفـت مخـارم حرثاهـم مــن بـعـد ماكـانـت وشــور
|
ذي حرثهـم يـزكـاء وهــو خـولـه يوديـهـا مـطـور
|
ولـيـوم باتـحـزن عـلـى كـمـن جـمـل ذادت هـــدور
|
دبـر عليهـا بـو عـوض يـذرع لـهـا زيــن الـزقـور
|
ذي من زمن ملقي لهـا النامـوس ع المفلـج ذرور
|
ولـيــوم خـلاهــا تـلـطــم حـانـيــه بــيــن الـظـبــور
|
يالقبوله حزنش علـى سبـع الخـلاء ذي بالكضـور
|
ذي لانــوا حـجـه قبعـهـا قــال فــي راســي طـيـور
|
وبـعـد مــن ذي بايـشـل دلًــه عـلـى ذيــك الامـــور
|
يالـمـوت ياريـتـك تـشـاور كــن حــد دلًـلـك بـشـور
|
كـنـك لـواحــد بايـخًـمـم قـبــر مـــن بـيــن الـقـبـور
|
مـــن مـثـلـهـم ذي لايـنـوخـهـا ولا يـبـاهــا تــثــور
|
بالـفـرد يـغـفـر لـهــم بـكــره ولا وقـــت الـصـفـور
|
ولا بــــداي الـمـجـالـس عــنــد تـلـزيــم الــوثـــور
|
ولا فـــي المـلـقـاه يـفـقـد للـمـلـح مــثــل الــبــزور
|
ولا لـقـيـدوم الـسـريــه يــــوم مـايـزجــاء بــشــور
|
لا مــات مايفـقـد ســوى إلا مــن منـامـه والـزقـور
|
يلـحـق قـفـا لـجـواد والدنـيـا كـمـا الـفــاي الـمــور
|
الجـيـد هــو والفـسـل هــذا وعـــد مـامّـنـه عـــذور
|
وقـفـي صـلاتــي عـلــى المختـاركـلـن بـــه يـــزور
|
محـمـد الـهـادي شفـيـع امـتـه فــي يــوم الحـشـور
|
عساه بايغفر لنا لما نهار البعث فـي يـوم النشـور
|
|