سر حبي فيك غامض سر حبي ماانكشف
ايش لي خلاني أعشق فيك والعشقه تلف
ايش أوقعني في الشبكه ونا عيني تشوف
لاتعذبني وإلا سرت وتركت المكلا لك
إذا مافيك معروف
فوق شاطي البحر حيث اللول يوجد والصدف
اللقاء بك كان صدفه لاجزى الله الصدف
عندما سمحت ظروفك لك وسمحت لي الظروف
لاتعذبني وإلا سرت وتركت المكلا لك
إذا مافيك معروف
واجهتنا خلف بعد العصر والحاسد خلف
والهوى يجري حوالينا يلف الموج لف
والجبل من فوقنا يشهد ويشهدن الكهوف
لاتعذبني وإلا سرت وتركت المكلا لك
إذا مافيك معروف
كل واحد مننا ماسك من السكه طرف
لا هدف لي فيك يظهر لا ولا لك شي هدف
وانتهى المشوار كله ماتلامسن الكتوف
لاتعذبني وإلا سرت وتركت المكلا لك
إذا فيك معروف
بعد ذاك اليوم زاد الحب لي لك والشغف
عنك أسأل كل شي حتى شبابيك الخلف
وإن تغيبت علي دورت في شمس الصيوف
لاتعذبني وإلا سرت وتركت المكلا لك
إذا مافيك معروف
إنت تحفه صاغها الرحمن من أحلى التحف
إنت في الدنيا قضيه ماتحملها ملف
إنت أحلى اسم في قلبي رباعي الحروف
لاتعذبني وإلا سرت وتركت المكلا لك
إذا مافيك معروف
حبك استولى على قلبي وحملني كلف
حبك أحرمني رقادي ماطبق عالعين دف
حب مهما لك وصفته عنه يقصرن الوصوف
لاتعذبني وإلا سرت وتركت المكلا
إذا مافيك معروف